Tuesday, May 25, 2021
लेखमाला भाग 4
(अंतर्मनाची शक्ती)
लेखक : डॉ. जोसेफ मर्फी
प्रकाशक : मंजुळ पब्लिकेशन
लेखमाला - भाग चौथा
#अंतर्मन_आणि_धनसंपत्ती
भूतलावरील प्रत्येक व्यक्तीला त्याची भौतिक, आध्यात्मिक, मानसिक प्रगती करण्याचा पूर्ण अधिकार आहे.त्यामुळे भिकेचे डोहाळे लावून घेण्याची गरज नाही तर धन संपत्ती यश ऐश्वर्य यांच्याशी मैत्री करायची गरज आहे
श्रीमंत होण्याची इच्छा म्हणजेच एक संपूर्ण आनंदी अद्भुत जीवन जगण्याची इच्छा
तुम्हाला धनवान श्रीमंत आणि यशस्वी व्हायचे असेल तर सर्वात 1️⃣आधी मन साफ करा ,मनातले खालील गैरसमज काढून टाका
➡️श्रीमंत होण्यासाठी खूप काबाडकष्ट करावे लागतात
➡️श्रीमंत होण्यासाठी लांडयालबाड्या कराव्या लागतात,
➡️श्रीमंत लोक वाईट असतात
➡️ पैसाही भगवान है ,सबकुछ पैसेसे खरीद सकते है
➡️ गरीब लोक म्हणजे सद्गुणी माणसे
➡️ पैसा म्हणजे दुर्गुणांची खाण
2️⃣ सकारात्मक विधानांचा वापर
रोज स्वतः शी खालील सकारात्मक स्वसंवाद म्हणा आणि संपत्ती वृद्धिंगत करा.
"रात्रंदिवस मी माझ्या आवडीच्या, रूचीच्या बाबत समृद्ध होत आहे.
"मला पैसा आवडतो,मी पैशावर प्रेम करतो
मी पैशाचा वापर सर्जनशीलतेने , शहाणपणाने, न्यायपूर्णपणे करतो. लक्ष्मीचा प्रवाह अविरत वाहत आहे,
माझी संपत्ती दिवसेंदिवस वाढत आहे
माझ्या संपत्तीचा आणि मनाच्या समृद्धीचा मी अत्यंत ऋणी आहे "
जर गुंतवणूकीबाबत साशंक असाल तर सकारात्मक विधान म्हणा
" अमर्याद बुद्धिमत्ता माझ्या सगळया व्यवहारांवर लक्ष ठेवत आहे.मी जे काही करेन त्यामुळे भरभराटच होईल "
खरेदी-विक्री व्यवहारात यश होण्यासाठी सकारात्मक विधान
"माझ्या अंतर्मनाची प्रज्ञा अमर्याद परमज्ञानी आहे, ती मला आवश्यकतेनुसार मदत करत आहे, माझ्या विनंतीला अनुसरून प्रतिसाद देत आहे"
यशस्वी होण्यासाठी सकारात्मक विधान
"माझ्या अंतर्मनाची असीम प्रज्ञा माझ्या जीवनातील कार्य स्पष्ट करून दाखवत आहे"
हया सकारात्मक विधानांमुळे इच्छा आणि कल्पना हयातीत संघर्ष संपेल. संपत्ती बद्दल प्रबळ आणि शक्तीशाली कल्पना मनात निर्माण होईल जी अंतर्मनात सहज पोहचेल.आणि सकारात्मक मानसिकतेमुळे संपत्ती आकर्षित व्हायला अंतर्मन योग्य मार्गदर्शन करेल.
संपत्ती आकर्षित करण्याच्या मार्गातील अडथळे
1.सकारात्मक विधानानंतर पुढच्या दहा मिनिटात भीती आणि नकारात्मक विचार येत असतील तर सकारात्मक विधान अमान्य होतो त्यामुळे नकारात्मक विचार मनात आले तरी त्याला लगेच थांबवा.
2.कुणाबद्दल नकारात्मक भावना अर्थात टीका, निंदा, इर्ष्या, हेवा नकोत
3.दुसऱ्याच्या आनंदात आनंद माना त्याला आणखी संपत्तीवैभव मिळू देत अशी कामना करा त्यानेही चक्रवाढ पद्धतीने तुमची संपत्ती वाढेल.
4.जर एखादा अप्रामाणिक मार्गाने संपत्ती गोळा करत असेल तर त्याला त्याचे कर्मफळ मिळेल तुम्ही त्यावर टीका,चिंता करणे सोडा
5.लबाडी करून कितीही पैसा कमावला तरीही माणसाला उणीवेची जाणीव मनात असते. तसेच तो भीती आणि अपराधभावनेत जगत असतो त्याच भावना पुढे ह्दयविकार , कँन्सर सारख्या आजारांना आकर्षित करून घेतात
6.काही न देता काही मिळत नाही
अकर्मणी राहू नका,सतत प्रयत्न करत राहा ,कुठे अडत असाल तर अंतर्मनाला मार्गदर्शनासाठी साद घाला .
7. जीवनात यशस्वी व्हायचे असेल आपल्या आवडीच्या गोष्टीत करिअर करा . त्या कामावर प्रेम करा,त्यातले तज्ञ व्हा आणि जगाच्या भल्यासाठी त्या ज्ञानाचा उपयोग करा
कारण यश म्हणजे शांतीपूर्ण, आनंदी, सुखी दीर्घायुष्य जगणे असते
Source :- Nilesh Shinde
चिंता_सोडा_आणि_सुखाने_जगा लेखमाला
(How to Stop Worrying and start living )
लेखक - डेल कार्नेगी
अनुवाद - शुभदा विद्वांस
प्रकाशक - मेहता पब्लिशिंग हाउस
#लेखकाविषयी :
डेल कार्नेगी एक प्रसिद्ध अमेरिकेन लेखक आणि मोटिव्हेशनल स्पीकर म्हणून ओळखले जात.
मिसुरी येथे एका गरीब शेतकरी कुटुंबात त्यांचा जन्म झाला.
घरचे अठराविश्व दारिद्रय ,काबाडकष्ट करुनही कर्जाचा सतत वाढता डोंगर त्यामुळे हौसमौज त्यांनी कधी अशी केलीच नाही.
एकदा वडिलांचा धीर खचला आणि त्यांनी जीव देण्याचा सुद्धा विचार केला होता पण हयाही कठीण परिस्थितीत त्यांच्या आईचा देवावर प्रचंड आणि ठाम विश्वास त्यांना सतत जगण्याची प्रेरणा देत राहिला.
एका साध्या खोलीतील एकशिक्षकी शाळेत त्यांनी शिक्षण घेतले.
लहानपणापासून त्यांना भाषणाची खूप आवड होती.
शालेय शिक्षणानंतर काँलेजचे शिक्षण त्यांनी घरचे शेतीचे काम सांभाळत पूर्ण केले.
त्यानंतर ट्रँव्हलिंग सेल्समन,विक्री अधिकारी अशी कामे सांभाळत असताना अभिनेता व्हायचे खूळ त्यांना शांत बसू देत नव्हते.
तोपर्यंत साठवलेले 500$ घेऊन ते न्यूयॉर्क ला अभिनय शिकायला गेले.लवकरच त्यांचा भ्रमनिरास झाला.
अभिनय हे आपले क्षेत्र नाही असा बोध घेऊन ते तिथून बाहेर पडले.
आयुष्यातल्या सगळया स्वप्नांचा चक्काचूर झाला होता
दिवसभर पुस्तके वाचून व्याख्यानांचा सराव सुरू करायचा आणि
रात्रीचे प्रौढ शिक्षण वर्ग घेऊन पोटापाण्याचा प्रश्न सोडवायचा असा त्यांचा दिनक्रम बनला.
त्यांनी चालू केलेल्या रात्रशाळेला हळूहळू उत्तम प्रतिसाद मिळू लागला .त्या वर्गात येणारे बरेचसे स्त्रीपुरुष चिंतेत असल्याचे त्यांना जाणवले. आपल्या या विद्यार्थ्यांना चिंतामुक्त करण्याचे त्यांनी ठरवले त्यानुसार लायब्ररीत पुस्तके शोधली पण
ती पुस्तक फार तोकडी असल्याचे त्यांना जाणवले .
त्यातले एकही पुस्तक विद्यार्थ्यांना मार्गदर्शक ठरेल असे नव्हते
मग त्यांनी स्वतः या विषयावर संशोधन करायचे ठरवले.त्यानुसार मोठमोठया उद्योगपतींची भेट घेतली, कित्येकांची चरित्र वाचली. त्यांनी चिंतावर कशी मात केली ते जाणून घेतले.
मग तीच तत्वे विद्यार्थ्यांना अवलंबायला सांगून त्याचा काय फायदा होते हे अनुभवले.
कित्येक लोकांनी त्यांचे जीवनाअनुभव डेल कार्नेजी हयांच्याकडे शेअर केले.
अशा रीतीने सलग पाच वर्षाच्या विचारमंथनातून पुस्तकाचा जन्म झाला ते म्हणजे " चिंता सोडा आणि सुखाने जगा"
#पुस्तकाविषयी :
हया पुस्तकातून लेखकाने चिंता , काळजीचा जन्म कसा होतो
ते कसे फोफावतात ,माणसांना आतून कसे पोखरून काढतात हयाविषयी मार्गदर्शन केलेच आहे त्याचबरोबरीने नकारात्मक भावना, चुकीच्या धारणा आणि पूर्वग्रह आपल्या शरीरात आजारांना कसे आमंत्रण देतात याचेही सुंदर वर्णन समर्पक अनुभव कथांच्या माध्यमातून आपल्याला वाचायला मिळतात.
लेखक एवढ्यावरच थांबले नाही तर वास्तविक जीवनात चिंतेला रोखण्याचे विविध उपाय आणि त्यांची अंमलबजावणी हयाबाबत आग्रही सूचना ते करतात.
हया पुस्तकात आपल्याला आपला रागावर नियंत्रण आणि तो नसेल तर काय भोगावे लागते हयावर भाष्य केलयं
टीका, ट्रोल हा आजचा ट्रेंड होऊ पाहतोय त्याकडे आपण लेखकाच्या नजरेतून पाहता येते.
स्वतः कडे सकारात्मक नजरेने पाहायची दृष्टी हे पुस्तक वाचकांना देते.
स्वतः ला न थकवता आणि आपली दमणूक न करता कामाचे आणि वेळेचे नियोजन कसे करायचे याबाबत लेखकाने सुरेख मार्गदर्शन केले आहे.
आजपासून पुढील काही दिवस आपण पुस्तकातील महत्त्वपूर्ण गोष्टींवर आपण येथे बोलणार आहोत.
Source :- Nilesh Shinde
Subscribe to:
Posts (Atom)