हु मुव्हड् माय चीज?

हु मुव्हड् माय चीज?

लेखक- स्पेन्सर जाॅन्सन

(स्टोरीटेल या अॅपवर ऐकलेले पुस्तक)

आपल्या आयुष्यात सवयींना फार महत्व आहे. 

एखादी गोष्ट वारंवार केल्याने आपल्याला त्याची सवय लागते. 

एकदा एखादी सवय लागली की ती बदलणं आपल्याला अवघड वाटतं.

मग ती कोणतीही गोष्ट असो.

एखाद्याला मोठ्या घरातुन छोट्या घरात रहायला जावं लागलं, तर तो ते पटकन स्विकारत नाही.

एखाद्याची व्यवसायाच्या ठिकाणी ट्रान्स्फर झाली, तर तो ती बदली पटकन स्विकारत नाही.

एखाद्याला साधा ड्रेसकोड बदललेला सुद्धा स्विकारणे मुश्किल होते.

गाव बदलले, खाणे बदलले, मित्र मैत्रिण बदलले, तरी व्यक्ती बेचैन होते.

पण बदल हा नेहमी वाईटासाठीच होत नसतो. कधीकधी बदल हा भल्यासाठी सुद्धा असतो. प्रगतीकारकही असतो. 

पण आपल्या मनातल्या भीतीपायी आपण तो स्विकारायला तयार होत नसतो.

असा एखादा बदल घडल्यावर तो कसा सहजतेने स्विकारावा, त्यानुसार आपल्यातही कसे बदल घडवुन आणावेत, हे जाणण्यासाठी उपयुक्त/ मदतगार पुस्तक म्हणजे "हु मुव्हड् माय चीज?".

शैलजा दीक्षित.