..The diary of a young girl.....
तेराव्या वर्षाच्या वाढदिवशी ॲनला भेट मिळालेली डायरी हीच पुढे तुझ्या सुखा-दु:खात खरी साथीदार बनणार आहे याचा तिने कधी विचारही केला नव्हता....ज्यू कुटुंबात जन्मलेल्या ॲनला दुसऱ्या महायुद्धाच्या दरम्यान हिटलरने ज्यूंचा अनन्वित छळ सुरू केल्यामुळे भूमिगत अवस्थेत राहावे लागले... तिला आणि तिच्या संपूर्ण कुटुंबाला दोन वर्ष अत्यंत असुरक्षित वातावरणात तुरुंगात राहील्याप्रमाणे अत्यंत हाल सोसावे लागले. यादरम्यानच तिने आपली दैनंदिनी लिहायला सुरुवात केली.यामध्ये तिच्या व्यक्तिगत आयुष्यातील घडामोडींचा उल्लेख तर आहेच त्याशिवाय त्या काळात घडणाऱ्या राजकीय घडामोडींचंही सविस्तर वर्णन तिने केलेलं आहे..!
एक १३वर्षांची मुलगी जास्तीत जास्त कुठल्या स्तरापर्यंत विचार करू शकते..? पौगंडावस्थेतील मुली नेहमी अविचारी आणि उथळच असतात का..?त्यांच्या मतांचा,विचारांचा नेहमीच अनादर केला पाहिजे का...?ॲनची ही डायरी वाचल्यानंतर या प्रश्नांना काही अर्थच उरत नाही.... एखाद्या प्रौढ माणसाला ही अशक्य असे विचार जेव्हा ॲन आपल्यापुढे ठेवते आणि अत्यंत तटस्थपणे स्वतःचे परीक्षण करते तेव्हा तर ती एखाद्या तपस्वी योगिनी सारखीच वाटते.अत्यंत सूक्ष्म निरीक्षणशक्ती लाभलेली,विचारी, तितकीच संवेदनशील मात्र अत्यंत दुर्दैवी आणि अल्प आयुष्य लाभलेल्या ॲन फ्रँकची ही कथा प्रत्येकाने
वाचावी अशीच...!
Pragati mane
No comments:
Post a Comment
IF you have any doubts,please let me know