जादू

जादू 

लेखिका : रोंडा बर्न

प्रकाशक : मंजुळ पब्लिकेशन

रोंडा बर्न यांच्या सिक्रेट सीरीज मधील हे तिसरे पुस्तक ज्यात कृतज्ञतेच्या जादूने आयुष्यात कसा बदल घडवून आणायचा हयावर मार्गदर्शन केलेले आहे.

 कृतज्ञतेच्या जादूवर विश्वास का ठेवायचा ?

1.माणूस सगळ्याच गोष्टी पैश्यांनी नाही विकत घेऊ शकत आणि विज्ञान पुढे गेलेले असले तरी अजूनही रक्तासारख्या बर्याच गोष्टी प्रयोगशाळेत तयार होत नाही

2.. न्यूटन आईनस्टाईन सारखे शास्त्रज्ञ सुद्धा आपल्या संशोधनासाठी ज्या Insight मिळाल्या त्यासाठी त्यांनी कृतज्ञतेच्या जादूचाच उल्लेख केलाय.

3.कृतज्ञतेच्या जादूमुळे माणसाच्या नुसत्या आरोग्याच्या नाही तर जीवनातील सर्व समस्या संपून जातात

4.कृतज्ञतेच्या जादूमुळे माणसाचे ह्रदय मेंदू मन कार्यक्षम बनते, नवनवे पर्याय सापडतात 

5.कृतज्ञतेच्या जादूमुळे चिंता भीती यासारख्या नकारात्मक भावना जाऊन आनंद, स्पष्टता, धैर्य, दयाळूपणा, करुणा यासारख्या सकारात्मक भावना वाढतात  त्यामुळे मनशांतीसह माणसं आधिक आनंदी निरोगी धनवान बनतात.

6.कृतज्ञतेच्या जादूने सकारात्मकतेतून समृद्धीकडे जाताना ज्या गोष्टी आपल्याकडे आहेत त्या कितीतरी पटीने वाढवतात.

कृतज्ञता जीवनात कशी आणायची

1.आपल्याला जे काही मिळालयं त्याची कदर करा 

त्याबाबत आभार माना.

2.आभार व्यक्त करताना वरवर कोरडे धन्यवाद न देता अगदी मनापासून आभार माना म्हणजे ओठातील शब्द आणि मनातील भावनांचा संगम होईल.

3.प्रत्येक दिवशी आणि दिवसातील जास्तीत जास्त वेळा कृतज्ञता अनुभवा, "धन्यवाद " शब्दाला वर्तमान आणि भविष्याला जोडणारा सेतू बनवा.

4.नकारात्मक विचार करणं जास्तीत जास्त टाळा

5.आपल्याला आपल्या जीवनात काय काय हवयं याची यादी करा

आरोग्य, पैसा, नातेसंबंध हयाविषयी सविस्तर व स्पष्ट इच्छा किंवा स्वप्ने हया यादीत मांडा.यादीतील इच्छा वा स्वप्ने कधी पूर्ण व्हाव्यात त्यानुसार 6 महिने /1 वर्ष /3 वर्षे / 5 वर्षे / 10 वर्ष त्यानुसार श्रेणीबद्ध करा.

आयुष्यात जादू घडवून आणण्याचे उपाय

#जादूई_दगड :

एक छोटा मुठीत मावेल असा दगड बेडजवळ दृष्टिस पडेल अशा जागी ठेवा. दररोज झोपायला जाताना तो दगड हातात आज काय चांगले घडले त्याबद्दल कृतज्ञता व्यक्त करा.

हयामुळे आपल्या आयुष्यात बर्याच चांगल्या गोष्टी घडतात याची तुम्हाला खात्री पटेल तसेच कृतज्ञतेच्या चुंबकीय शक्तीमुळे

तशा आणखी गोष्टी घडतील

जशीजशी ही चुंबकीय शक्ती प्रबळ होईल तशा मनोवांचित गोष्टीही घडू लागतील

#जादूई_छडी :〽️

माणसाला जादूच्या छडीचे कायम आकर्षण राहिले आहे 

पण तो हे विसरतो की माणूस स्वतःच एक जादूची छडी आहे

त्यामुळे ओळखीच्या वा अनोळखी लोकांच्या पैसा स्वास्थ्य आणि सुखातील अडचणींसाठी देवाची प्रार्थना करा.

दुसऱ्याच्या सुखाची कामना करणे सुद्धा महानतम कार्य आहे त्या कृतज्ञतेच्या चुंबकीय शक्तीमुळे तुमच्याही समस्या ही सहज सुटून जातात

#जादूई_नातेसंबंध : 👨‍❤️‍💋‍👨

आपल्याला ज्या नात्याबद्दल बर्याच तक्रारी आहेत त्या माणसाबद्दलच्या चांगल्या दहा गोष्टी आठवा आणि त्याचा फोटो समोर ठेवून त्या माणसाबद्दल कृतज्ञता अनुभवा

तसेच आपल्याला प्रोत्साहित करणाऱ्या वेळोवेळी मार्गदर्शन करणाऱ्या ,आयुष्याला दिशा देणारया सर्वाबद्दल आपण आभारी असायला हवे.यांना प्रत्यक्ष भेटून अथवा पत्राद्वारे आपली सकारण कृतज्ञता कळवा.

हयामुळे आपण चांगल्या गोष्टींंना आणि चांगल्या माणसांना जास्त महत्त्व देतो आणि आपले त्यांच्याबरोबरचे संबंध बिघडले किंवा तुटलेले असतील तरी दुरूस्तही होतात आणि मधुर ही बनतात

#जादूई_स्वास्थ्य: ⛑️

भूतकाळातील आपल्या निरोगी उर्जावान शरीराला आठवा त्यावेळेच्या स्वास्थ्यासाठी त्रिवार आभार माना.

ज्यामुळे वर्तमानात आपण जगातील सर्व सुखांची अनुभूती घेतोय अशा आपल्या शरीरातील प्रत्येक अवयवांचे आणि इंद्रियांचे आभार माना. त्याचबरोबरीने मेंदू आणि ह्रदयाचे पण आभार माना.

ज्या हवेत आपण श्वास घेतो त्याबद्दल वातावरणाचे आभार माना

प्रत्येक श्वासोच्छ्वासाबरोबर कृतज्ञता अनुभवा आणि त्या चेतनेलाही धन्यवाद द्या.

भविष्यात आपल्या शरीराची जी आदर्श अवस्था हवीय त्याचे चित्र मनःचक्षूसमोर उभे करा आणि त्याबद्दल कृतज्ञता अनुभवा.

आपला हात ह्रदयावर ठेवून प्रत्येक ईच्छा मनावर उमटवा आणि इच्छा बोलून झाल्यावर शेवटी धन्यवाद द्या

जेणेकरून भावनांची खोली वाढेल.आणि मनशांती व आनंदाची वृद्धी होईल. तसेच आपल्या सर्व शरीराचे काम सुरळीत चालू राहील आणि आपण कायम निरोगी आणि स्वस्थ राहू.

#जादूई_धन :💰

एक शंभराची नोट घ्या तिच्यावर लिहा "जीवनात मिळालेल्या भरपूर सार्या पैशासाठी धन्यवाद"

ती नोट कायम पर्समध्ये ठेवा आणि तिच्याकडे दिवसातून किमान दोनदा पाहून  कृतज्ञता अनुभवा.

#मँजिक_चेक : 🎫

एक स्वतःच्या नावाने चेक बनवा ज्यावर आपली मनोवांचित रक्कम टाका, ती रक्कम मिळाल्यावर आपण काय करणार हयाचे मनोचित्र डोळयासमोर आणा ,

तो चेक नेहमी नजरेस पडेल अश्या जागी ठेवा ,

आपण या पैशांनी खरेदी करतोय असे समजून रोमहर्षितपणे आभार माना

#मँजिक_बिल :📰

प्रत्येक बिल भरताना मिळालेल्या सेवेसाठी  पुरवठादारांचे आभार माना.पैश्याविषयी  समृद्ध जीवनासाठी सदैव कृतज्ञ राहा.

हयामुळे आपण पैश्याबाबत तक्रार करणार नाही आणि कुठलीही खरेदी करताना गरीबीचा विचार न करता संपन्नतेचा विचार करु आणि कृतज्ञतेच्या जादूमुळे आपण संपत्ती आकर्षित करू शकू.

#जादूई_कर्म :🙇

आपण करत असलेल्या कामावर मग ते नोकरी असो वा धंदा त्यावर प्रेम करा, कामावर जाण्यासाठी नेहमी आतूर राहा

आपणच आपले मँनेजर बना.

आपले ग्राहक आणि कर्मचाऱ्यांचा नेहमी आदर करा 

तसेच आपल्या कामात मदत करणाऱ्या मशिनिरीचे आभार माना.

हयामुळे आपण आपल्या कामाबाबत कुठलाही नकारात्मक विचार करणार नाही आपल्या चुकांबद्दल आपण कुणाच्याही माथी दोष मारणार नाही, आधिक जोमाने मेहनत करू आणि सफलतेच्या वाटेवर अग्रेसर राहू आणि कृतज्ञतेच्या जादूमुळे आपण सफल धनवान आणि आनंदी होऊ

#जादूई_तत्त्व : 🛍️

आपल्याला जगण्यासाठी विचार करण्यासाठी आणि चांगले वाटण्यासाठी अन्नपाण्याची गरज आहे

अन्न हा आपल्याला मिळालेला उपहार आहे आणि पाणी तर पृथ्वीवर असलेली जादूच आहे त्यामुळे रोज जेवताना शेतकऱ्यांचे आणि धरणीमातेचे तसेच आपल्या अन्न आपल्या ताटापर्यंत पोहचवणार्या सर्वांचे आभार माना

हया कृतज्ञतेच्या जादूमुळे अन्नपाणी शुद्ध बनते आणि जेवणाला स्वाद येतो आणि एकूणच जीवनावर त्याचा परिणाम होतो.

#जादूई_कार्यसूची : 🗒️

आपल्याला करावयाच्या सर्व कामांची एक कार्यसूची बनवा त्यांच्या निकडीनुसार त्यांना श्रेणीबद्ध करा

जी कामे इच्छा असूनही करता येत नाही किंवा वेळ नाही अशा तीन गोष्टींवर फोकस करा ,त्या कामांसाठी जगातील सार्या शक्ती

परिस्थिती अनुकूल आहे आणि आपल्याला मदत करत आहेत आणि ते कार्य पूर्ण झाल्याचा विचार करा आणि त्याबाबत कृतज्ञता व्यक्त करा.

हयामुळे रखडलेली कामे मार्गी लागतील आणि मनशांती लाभेल

#जादूई_संकेत: 🔮

सृष्टीला आपली सतत पर्वा असते त्यामुळे ती आकर्षणाची शक्ती वापरून आपल्याला योग्य संकेत पाठवत असते

हया दैवी संकेतांना चौकसपणे समजून घ्या त्यानुसार योग्य ते बदल कराच पण त्याबरोबर सृष्टीबद्दल कृतज्ञता व्यक्त करा.

समजा चुका झाल्याच तर त्या स्वीकारा त्यातून योग्य तो धडा घ्या आणि चुकांना वरदानात बदला.

#जादूई_आरसा ⭕

आरशात स्वतःला पाहिल्यावर जो सुंदर माणूस दिसतो त्याचे कौतुक करा ,तसेच आभार माना

हया कृतज्ञतेमुळे तुम्ही स्वतःला दोष देणार नाही ,नावे ठेवणार नाही जेणेकरून तुम्ही सुखद माणसं आणि सुखद परिस्थिती आकर्षित करू शकाल.

#जादूई_सकाळ :🌄

सकाळी उठाल तेव्हा जिवंत असल्याबद्दल नव्या सुसंधीचा दिवस मिळाल्याबद्दल आणि रात्रीची शांत झोपेबद्दल तसेच जीवनात मिळालेल्या सर्व सुखसोयीबद्दल परमेश्वराचे त्रिवार आभार माना 

हया कृतज्ञतेमुळे प्रत्येक दिवसाची सकाळ आणि एकुणच दिवस उत्साहात होईल 

#जादूई_दिवस : ♨️

प्रत्येक दिवस हा वेगळा आणि खास असतो त्या दिवसात खूप काही चांगल्या गोष्टी घडतात. रोज रात्री त्यांचा आढावा घ्या. आणि त्याबद्दल देवाचे आभार माना

हया यादीत रोज भर पडेल तशी ती विस्तृत होत जाईल.

जसजसे दिवस पुढे जातील तशी कृतज्ञतेच्या जादूमुळे तुमची वरदान वाढत जातील

#जादूई_भविष्य :🚗

आपणच आपल्या जीवनाचे शिल्पकार आहोत आणि कृतज्ञतेच्या जादूमुळे तुमच्या जीवनाची बहुमजली भक्कम इमारत उभी राहते.

त्यामुळे रोज भावनांना खोलवर अनुभवून 

कृतज्ञतेच्या कुठल्याही पर्यायाला मार्गदर्शक बनवा आणि सुख ऐश्वर्य आरोग्य  यांचा मनमुराद आस्वाद घ्या

Source :- Nilesh Shinde